December 2024
𝗣𝗢𝗪𝗘𝗥 𝗥𝗔𝗧𝗘 𝗔𝗗𝗩𝗜𝗦𝗢𝗥𝗬 𝟮𝟬𝟮𝟰-𝟭𝟮
𝗗𝗲𝗰𝗲𝗺𝗯𝗲𝗿 𝟭𝟴, 𝟮𝟬𝟮𝟰
𝑮𝒐𝒐𝒅 𝒏𝒆𝒘𝒔 𝒌𝒂-𝑴𝑪𝑶𝒔!
Aton iginkakalipay pagpahibaro sa tanan, nga nagkamay-ada kita paghamubo san aton taripa yana nga bulan san Disyembre nga 𝗨𝗠𝗨𝗕𝗢𝗦 sin ₱𝟮.𝟭𝟯𝟯𝟳.
Tikang sa ₱𝟭𝟰.𝟱𝟱𝟲𝟱 san 𝗡𝗢𝗕𝗬𝗘𝗠𝗕𝗥𝗘, umubos ini sa ₱𝟭𝟮.𝟰𝟮𝟮𝟴 per kwh (𝗩𝗔𝗧 𝗜𝗻𝗰𝗹𝘂𝘀𝗶𝘃𝗲). An nasabi nga paghamubo epekto san 𝗵𝗮𝗺𝘂𝗯𝗼 nga 𝗚𝗘𝗡𝗘𝗥𝗔𝗧𝗜𝗢𝗡 𝗖𝗛𝗔𝗥𝗚𝗘 ngan 𝗵𝗮𝗺𝘂𝗯𝗼 nga 𝗟𝗜𝗡𝗘 𝗥𝗘𝗡𝗧𝗔𝗟 𝗖𝗛𝗔𝗥𝗚𝗘.
Aton gin aaghat nga padayon an aton pag-manage san pag gamit san kuryente para diri magtaas an aton power bill o kabaraydan.
Damo nga salamat.
November 2024
𝗣𝗢𝗪𝗘𝗥 𝗥𝗔𝗧𝗘 𝗔𝗗𝗩𝗜𝗦𝗢𝗥𝗬 𝟮𝟬𝟮𝟰-11
𝖭𝗈𝖻𝗒𝖾𝗆𝖻𝗋𝖾 18, 2024
𝗧𝗜𝗡𝗔𝗛𝗨𝗗 𝗡𝗚𝗔 𝗠𝗘𝗠𝗕𝗘𝗥-𝗖𝗢𝗡𝗦𝗨𝗠𝗘𝗥-𝗢𝗪𝗡𝗘𝗥𝗦:
Naghataas an aton taripa para san yana nga bulan san 𝗡𝗢𝗕𝗬𝗘𝗠𝗕𝗥𝗘 𝟮𝟬𝟮𝟰 nga aada sa kantidad ₱0.9951/𝗸𝗪𝗵. An kawsa san nasabi nga paghataas, tungod san kadugangan nga sukot san 𝗧𝗥𝗔𝗡𝗦𝗠𝗜𝗦𝗦𝗜𝗢𝗡 𝗖𝗛𝗔𝗥𝗚𝗘 (𝗔𝗻𝗰𝗶𝗹𝗹𝗮𝗿𝘆 𝗦𝗲𝗿𝘃𝗶𝗰𝗲 𝗖𝗵𝗮𝗿𝗴𝗲) san 𝗡𝗚𝗖𝗣 nga umabot sa kantidad ₱15𝗠 kumpara san aton ginbaydan nga ₱11.8𝗠 sa naglabay na bulan.
An nasabi nga 𝘼𝙣𝙘𝙞𝙡𝙡𝙖𝙧𝙮 𝙎𝙚𝙧𝙫𝙞𝙘𝙚 𝘾𝙝𝙖𝙧𝙜𝙚 mao an mga maintenance activities san 𝙉𝙂𝘾𝙋/𝙩𝙧𝙖𝙣𝙨𝙢𝙞𝙨𝙨𝙞𝙤𝙣 𝙡𝙞𝙣𝙚𝙨 nga kaparte san aton ginbabayaran.
Para san dugang nga mga kasayuran pwede kita tumawag sa aton 𝗕𝗜𝗟𝗟𝗜𝗡𝗚 𝗛𝗢𝗧𝗟𝗜𝗡𝗘 # 𝟬𝟵𝟭𝟳𝟯𝟭𝟬𝟯𝟱𝟬𝟱.
Damo nga salamat san iyo pagsabot
October 2024
𝗣𝗢𝗪𝗘𝗥 𝗥𝗔𝗧𝗘 𝗔𝗗𝗩𝗜𝗦𝗢𝗥𝗬 2024-10
𝗢𝗰𝘁𝗼𝗯𝗲𝗿 18, 2024
𝑮𝒐𝒐𝒅 𝒏𝒆𝒘𝒔 𝒌𝒂-𝑴𝑪𝑶𝒔!
Aton iginkakalipay pagpahibaro sa tanan, nga nagkamay-ada kita paghamubo san aton taripa yana nga bulan san 𝗢𝗸𝘁𝘂𝗯𝗿𝗲 nga 𝗨𝗠𝗨𝗕𝗢𝗦 sin ₱3.1006.
Tikang sa ₱16.6620 san September, umubos ini sa ₱13.5614 per kwh (𝗩𝗔𝗧 𝗜𝗻𝗰𝗹𝘂𝘀𝗶𝘃𝗲).
Epekto ini nga pag-ubos san 𝗵𝗮𝗺𝘂𝗯𝗼 nga 𝗲𝘅𝗽𝗼𝘀𝘂𝗿𝗲 sa 𝗪𝗵𝗼𝗹𝗲𝘀𝗮𝗹𝗲 𝗦𝗽𝗼𝘁 𝗘𝗹𝗲𝗰𝘁𝗿𝗶𝗰𝗶𝘁𝘆 𝗠𝗮𝗿𝗸𝗲𝘁 (𝗪𝗘𝗦𝗠) ngan 𝗵𝗮𝗺𝘂𝗯𝗼 nga 𝗟𝗜𝗡𝗘 𝗥𝗘𝗡𝗧𝗔𝗟 𝖼𝗁𝖺𝗋𝗀𝖾. Tungod sini, umubos an aton 𝗚𝗘𝗡𝗘𝗥𝗔𝗧𝗜𝗢𝗡 𝗖𝗛𝗔𝗥𝗚𝗘.
Aton gin aaghat nga padayon an aton pag-manage san pag gamit san kuryente para diri magtaas an aton power bill.
Damo nga salamat.
September 2024
POWER RATE ADVISORY 09-2024
SA ATON MGA TINAHUD NGA MIEMBRO-KONSUMIDOR-TAG-IYAHON:
Aton ginpapahibaro na yana nga bulan san Septyembre, gin aantisipar naton an paghataas san aton taripa nga maabot sa 16.6620 per kWhr o pag umento san kantidad 2.6577per Kwhr kumpara san taripa sa naglabay na bulan san Agosto.
Kun kikitaon naton, an primero nga component san aton rate, an Generation Charges nga humataas sin 1.6958 per Kwhr tungod sa duha nga rason:
Una, an exposure o pag palit san SAMELCO I sa Wholesale Electricity Spot Market o WESM agud maihatag an kadugangan na energy demand san mga konsumedores sa bug-os na distrito, lahos na san gin kontrata san SAMELCO I.
Ngan ika duha, an Line Rental Charges nga ginsusukot san IEMOP o Independent Electricity Market Operator of the Philippines sa SAMELCO I tungod san cost of losses ngan cost of congestion pagdeliver san kuryente tikadi sa aton. Mahihinumduman naton na tikang san bulan san Hulyo sini nga tuig, tigda nagspike o naghataas an aton Generation Charge tungod san line rental.
Sugad man, an pagtaas sa Transmission Charges nga aada sin 0.5788 per Kwhr. Ini in tungod san pag lift o pag tanggal san suspension san implementasyon san Sec. 8 san Price Determination Methodology on Billing Settlement, ngan an pag balik san panukot san NGCP para san Ancillary Services – Reserve Market agud magkamay-ada backup o standby power kun magsaka an demand san kuryente. An mga nasabi mga mando in subay san DOE Advisory 2024-08-001-SEC ngan ERC Notice of Resolution per ERC Case No. 2023-002 RC.
An Generation ngan Transmission Charge pareho nga Pass Through Charges, karuyag signgon, ini gin susukot la san SAMELCO I sa mga konsumedores ngan gin reremit sa mga Supplier ngan NGCP.
An urhi na rason san pag umento san aton taripa, an Value Added Tax na diin maabot sin 0.2209 per Kwhr. Ini an gin susukot na taxes san Bureau of Internal Revenue o BIR sa mga konsumedores para san Generation, Transmission, System Loss ngan Distribution, Supply and Metering Charges nga diin tungod na naghataas an Generation ngan Transmission, naghataas manta an Value Added Tax (TAX).
Aton ginpapahinumdum nga an VAT, in usa gihapon na Pass Through Charges nga gin kokolekta san SAMELCO I ngan gin reremit naman sa BIR.
Sa lain nga bahin, gin papahibaro naton na an pag umento san taripa in waray kalabtanan o waray kontrol ngan diri mahihingadto sa SAMELCO I. Ini tungod na an Distribution, Supply, and Metering (DSM) Charges, an parte la san taripa na nahihingadto sa SAMELCO I, in waray mag bago o naghataas san pira na katuig nga naglabay.
Utro, gin aaghat naton an tanan nga MCOs nga ipadayon an energy conservation, labi na sa panahon yana nga mayda kakulangan san supply san kuryente an bug-os nga nasud. Para san dugang nga mga kasayuran pwede kita tumawag sa aton SAMELCO I 𝗛𝗢𝗧𝗟𝗜𝗡𝗘 09173102881
Damo nga salamat san iyo pagsabot.
NB: Kun mapapansin naton an pagkakaiba san August Rate san aton napost last month tungod excluded of VAT Distribution ngan VAT Others.
August 2024
POWER RATE ADVISORY 
AUGUST 2024
GOOD NEWS ka-MCOs!
The power rate for Samar I Electric Cooperative, Inc. has dropped from P14.27/kWh last month to P13.75/kWh this August billing at about 0.5152 per kilowatt, mainly due to the decrease in the generation rate.
This rate includes the third installment of the four-part payment for the May 2024 billing from the Wholesale Electricity Spot Market (WESM), as directed by the Energy Regulatory Commission (ERC) under Case No. 2024-017 MC.
SAMELCO I continues to emphasize the importance of managing energy consumption wisely and points out that, due to market volatility, changes in the power rate are expected every month.
JULY 2024
𝗣𝗢𝗪𝗘𝗥 𝗥𝗔𝗧𝗘 𝗔𝗗𝗩𝗜𝗦𝗢𝗥𝗬 2024-07
July 17, 2024
𝐓𝐈𝐍𝐀𝐇𝐔𝐃 𝐍𝐆𝐀 𝐌𝐆𝐀 𝐌𝐄𝐌𝐁𝐄𝐑-𝐂𝐎𝐍𝐒𝐔𝐌𝐄𝐑-𝐎𝐖𝐍𝐄𝐑𝐒:
Aton ginpapahibaro nga nagkamay-ada kita paghataas san aton taripa para sa bulan san Hulyo nga aada san Php3.8009 per kwh. Nag umento tikang sa P10.4692/kwhr (June) ngadto sa ₱14.2701/kwhr (July)
An hinungdan sine, an paghataas san 𝗚𝗘𝗡𝗘𝗥𝗔𝗧𝗜𝗢𝗡 𝗖𝗛𝗔𝗥𝗚𝗘 ngan 𝗟𝗜𝗡𝗘 𝗥𝗘𝗡𝗧𝗔𝗟. Dugang pa sini an aton ginbabatag-batag sa 4 kabulan ngan 𝗟𝗜𝗡𝗘 𝗥𝗘𝗡𝗧𝗔𝗟 san 𝗛𝘂𝗻𝘆𝗼 (₱17,482,930.39) subay san mando san ERC.
An 𝗟𝗜𝗡𝗘 𝗥𝗘𝗡𝗧𝗔𝗟 san 𝗠𝗮𝘆-𝗝𝘂𝗻𝗲 nga ginsusukot san 𝗜𝗘𝗠𝗢𝗣 (Operator san WESM) umabot ₱39,130,565.75.
An SAMELCO I usa nga Distribution Utility nga napalit la sin kuryente tikang sa Generation Plant ngan sa Spot Market (WESM). An ginkukulekta san SAMELCO I nga GENERATION CHARGE ngan LINE RENTAL nga maabot ₱8.8014/kwhr ibabayad la liwat san SAMELCO I ngadto sa POWER SUPPLIER ngan sa IEMOP.
Samtang, an 𝗗𝗶𝘀𝘁𝗿𝗶𝗯𝘂𝘁𝗶𝗼𝗻 𝗖𝗵𝗮𝗿𝗴𝗲 (DSM – Distribution Supply Metering) nga 15% la san iyo billing yana nga Hulyo, nagpapabilin nga P2.0750/kwhr la tikang pa san 2012.
Ini nga paghataas san GENERATION CHARGE ngan LINE RENTAL naexperiensyahan san kadam-an nga mga consumers sa Pilipinas, ungay na an dagko nga utility sugad san MERALCO.
An Management san SAMELCO I nagpasa sin surat sa IEMOP para umaro sin CLARIFICATION san hataas nga LINE RENTAL. An Board of Directors naman nagpasa sin RESOLUTION nga nag-aaro sa DOE ngan ERC nga i-review an mga polisiya san LINE RENTAL.
Sa yana, aton gin aaghat nga padayon an aton pagtipid san konsumo labi na sa panahon yana nga mahal an presyo san kuryente sa bug-os nasud.
Damo nga salamat san iyo hul-os nga pagsabot.
